КУП: Еден трофеј две желби

Двете екипи имаат по еден трофеј во ова натпреварување a она што е интересно и Шкендија и Пелистер ќе играат по 4-ти пат во финалето на ова натреварување и имаат освоено по еден трофеј.  

Приматот го брани Шкендија која лани го совлада Работнички додека Пелистер во 2001-та година беше подобар од Слога Југомагнат. 

Денеска во Струмица каде се игра финалето одржана и прес конференција со присуство на тренерите и капитените на двете екипи. „Би ја искористил позната изрека на Цезар. Нека биде ова битка за народот, нека има игра, а ние ќе бидеме гладијаторите на теренот. Македонија ми е седма земја каде сум работел, а ова ми е вкупно трето финале во куп. Во Бугарија и во Албанија ми успеа да стасам во финалето, а сега се надевам и дека ќе го кренам пехарот. Го почитуваме противникот, Шкендија е силен тим, но најважно е да биде коректоно и на теренот и особено на трибините. Нека победи подобриот“, рече Наџи Шенсои, тренерот на Пелистер.

Шкендија на хартија е фаворит, но тетовци велат дека Пелистер е мошне тежок ривал.

 

„Јас играв фудбал со капитенот на Пелистер Горан Пашовски и повторно ќе биде заедно, пријателски, без разлика кој ќе победи. Секако утре ќе бидеме ривали, но потоа остануваме пријатели. Сакам да победи подобриот, а секако ќе си подадеме рака. И секако апел до навивачите, нека биде ова претстава за паметење во убав амбиент“, рече Ехан Селими, стратегот на Шкендија.