Кумановската болница затвори едно од трите Ковид одделенија, поради намален број на хоспитализирани пациенти
Општата болница Куманово го затвори ковид оддел 2 или одделението за неврологија, поради намален број на примени пациенти, соопштија денеска надлежните од болницата. Вчера во болницата имало само пет хоспитализирани пациенти од кои тројца биле пуштени на домашно лекување, а двајца биле префрлени во модуларната болница. Вкупно во двата ковид оддели (инфективно одделение и модуларната болница) има 47 пациенти и околу 50-тина во дневна болница.
Искрено се надеваме дека трендот на опаѓање на новозаболени ќе продолжи, но сепак, ние сме најголема општина по број на жители во државата, трендот на опаѓање ќе оди побавно во однос на другите градови-изјави директорката ан болницата, Снежана Захариева. Опаѓа бројот и на амбулантски прегледи, дел се за контрола, дел во дневна болница. Иако, вчера немаше новозаболени, сепак, болеста не може одеднаш да исчезне, вели Захариева и апелираше граѓаните да се придржуваат на мерките.
Захариева најави постепено враќање во нормала на хируршкото, очното и другите одделенија кои почнуваат со операции. Ковид 2 ќе се молерисува, ќе се уредува, ќе се адаптираат простории и се очекува да почне хоспитализација на пациентите.
– Со средства обезбедени од Министерството за здравство почнаа работите за изградба на гасна централа, за проектот кој веќе го имаме три и пол години. Се надевам дека идната грејна сезона ќе ја дочекаме со греење на гас. До крајот на летото очекуваме уште еден компјутерски томограф, сместен во ургентно-хируршкиот центар-изјави Захариева која се заблагодари на ресорното министерство за вложените средства.
Персоналот на болницата ќе почне со годишни одмори, но како што појаснуваат од менаџерскиот тим, раководителите на одделите ќе ја организираат работата за непречено функционирање на болницата.
Ново на Сител
-
Тема на денот со Трајан Ангелоски, претседател на Сојуз на стопански комори
-
Ќе обезбеди ли власта мнозинство за да спречи предвремени локални избори
-
ВМРО-ДПМНЕ: Филипче пријавил поголем имот како пратеник, отколку кога бил министер
-
Се проширува пожарот во Мариово, два ер-трактори и полициски хеликоптери се неисправни
-
Ќе се замрзнуваат цените на производите ако трговците не ги поевтинат
-
Ниска цена за експропријација на земјоделско земјиште за новиот автопат Прилеп - Битола
-
Комисијата за заразни болести будно ја следи состојбата по пријавата на заразено дето со морбили
-
Лицата со мускулна дистрофија тип Душен и Бекер бараат поддршка од државата