Куче убило 4-годишно девојче во Велика Британија

Четиригодишно девојче од Велика Британија починало откако било нападнато од куче.

Полицијата била повикана во Милтон Кејнс во вторникот нешто по 17 часот по извештаите за куче кое нападнало дете во задниот двор од една куќа.

Девојчето починало веднаш на лице место, а кучето било успиено, пренесува „Sky News“.

Засега никој не е уапсен во врска со трагедијата а стручна помош доби и семејството на девојчето.

„Ова е апсолутно трагичен инцидент каде што едно дете е убиено откако било нападнато од куче. Ова е почетната фаза на истрагата и сакаме да ги увериме луѓето дека во овој момент нема опасност за пошироката јавност“, рече шефот Мет Буливант.