КСС: Се вршат притисоци врз синдикалните лидери
Конфедерацијата на слободни синдикати (КСС) обвини дека се вршат притисоци врз синдикалните лидери и најави дека доколку ваквите притисоци не престанат ќе излезат на протест и ќе преземат активности за организирање на генерален штрајк.
Претседателот на КСС Благоја Ралповски како најнов пример за притисок врз синдикалните лидери го посочи неговото бркање од работа во АД ЕЛЕМ.
- КСС јавно ги искажа своите ставови и побара од Владата усогласување на платите согласно минималната плата, покачување на платите во јавниот сектор и отворање на Општиот колективен договор со посебен акцент на регресот за годишен одмор познат како К-15. Наместо преговори, одредени структури на власта т.е. управни одбори на АД ЕЛЕМ спречија легитимни синдикални избори, а директорите сакаа насилно да постават свои луѓе со цел преземање на синдикалните организации, изјави денеска Ралповски.
Со ова, според Ралповски, се прекршени многу меѓународни конвенции од Меѓународната организација на трудот, како и Законот за работни односи.
КСС денеска доби јавна поддршка и од регионалните синдикални организации од поранешна Југославија кои го осудија давањето отказ на претседателот на КСС поради неговото синдикално ангажирање и побараа да се поништи оваа одлука
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари