КСС: Дел од јавниот сектор во Битола ќе добие покачување од 2806 денари
Конфедерацијата на слободни синдикати на Македонија ве информира за уште еден успех во подобрување на работничките права за којшто во изминатиот период работиме напорно и посветено. Имено, денеска на средба со градоначалникот на општина Битола, Г-динот Тони Коњаноски беше договорено зголемување на платите за 2,806 денари во локалната самоуправа и во јавните претпријатија кои се под нивна ингеренција. Мораме да се заблагодариме на раководството на општина Битола и сите директори на јавните претпријатија на разбрирањето коешто го покажаа во делот на платите на работниците коишто се под нивна ингеренција, во делот на зголемените животни трошоци и подобрувањето на социо – економскиот стандард. Ова само по себе покажува дека социјалниот дијалог е се уште жив и функционира во локалната самоуправа со новите раководства, коишто покажуваат значителна грижа и разбирање за работничките права.
Ваквиот бран на водење рамноправен, фер и коректен социјален дијалог во делот на локалната самоуправа требаше да биде начинот на којшто Владата можеше да се грижи за работниците во изминатите четири години, коишто се под нејзина ингеренција и затоа КСС ја повикува власта, што посокоро и што побрзо да ги следи добрите примери на дел од градоначалниците и раководствата во локалната самоуправа.
КСС се надева и работи во делот на подобрувањето на работничките права и зголемувањето на платите, но за жал мораме да констатираме дека на централно ниво овој процес е скоро невозможна мисија. Затоа уште еднаш ја повикуваме власта на разум и транспарентност и да се одважи во исполнување на барањата на работниците во јавниот сектор каде што е работодавач и да престане да се конфронтира со работниците, а воедно да се случуваат тензии како што е во периодот сега и претходно. Исто така, ги повикуваме сите пратеници во Собранието, особено оние од власта, коишто треба да ги прифатат амандманите поднесени од синдикатите, во делот на платите и помошта што треба да ја добијат работниците, во спротивно сите тие коишто ќе гласаат против и ќе го сопрат овој процес за нас ќе останат „непријатели на работниците“ и ќе бидат запаметени за урнисување на работничките права.
Конфедерацијата на слободни синдикати на Македонија
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај