Крводарителска акција во Пехчево
Под мотото „Вашата крв спасува живот“, денеска во Пехчево се спроведува редовна крводарителска акција за септември. Борис Панев од Центарот за трансфузиологија од Штип, очекува на денешната акција да бидат донирани 40 крвни единици.
-Акцијата ја спроведуваме во соработка со Здравствениот дом во Пехчево и можам да кажам дека сме задоволни од досегашниот одзив. Досега имаме 24 дарувања, а очекуваме во текот на денот, бројката да се искачи на 40 крвни единици, истакна Панев.
Очекувањата на Здравствен дом Пехчево се дека до крајот на годината, ќе биде остварен годишниот план за работа, со кој се предвидени 200 крвни единици на годишно ниво.
Од Центарот за трансфузиологија од Штип во наредниот период најавија уште две крводарителски акции. Првата ќе се одржи со хуманите граѓани на Берово и ќе биде редовна, додека кон крајот на септември, ќе се одржи и вонредна крводарителска акција во Делчево.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска