Крвава свадба: Загинаа 131 лице
Јеменските власти денеска соопштија дека во вчерашните два воздушни напади на меѓународната арапска коалиција, предводена од Саудиска Арабија, врз учесниците на една свадба во јужен Јемен, загинале вкупно 131 лице.
Според истите извори, најмалку 80 од жртвите се жени.
Во вчерашните извештаи за нападот се говореше за најмалку 76 загинаа и 55 ранети.
Портпаролот на јеменското Министерство за здравство, Тамим ал-Шами вчера соопшти дека станува збор за напад по „грешка“ врз учесници на свадба во селото Ал-Вахга крај градот Моча, во близина на протокот Баб ел Мандеб, кој ги раздвојува Арапскиот Полуосторв и Африка.
Општинскиот советник во Моча, шеик Абдулах ал Фадли во изјава за ДПА нагласи дека авионите ракетирале два шатори на свадбата - едниот во кој престојувале машките сватови и другиот каде биле сместени жените и децата.
Ал-Фадли нагласи дека изненадува ваквиот напад бидејќи во селото нема никакви воени позиции, а на свадбата не присуствувале ниту припадници на шиитското бунтовничко движење.
Нападот денеска го осуди генералниот секретар на ОН, апелирајќи до учесниците во конфликтот во Јемен „веднаш да ги прекинат сите воени активности“.
Меѓунардоната арапска коалиција на 25 мај започна напади врз цели во Јемен, со цел да им помогне на силите што го поддржуваат јеменскиот претседател во егзил Абд Раби Мансур Хади во борбите против шиитските бунтовници Хути и армиските единици лојални на поранешниот шеф на државата Али Абдул Салех.
Саудиска Арабија стравува дека преземањето на власта во Јемен од страна на Хутите, би ја засилило позицијата на Арапскиот Полуостров на нејзиниот главен регионален ривал - Иран.
Според проценките на ОН, во судирите во Јемен досега загинале најмалку 2.100 лица.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова