Крв на улиците во Истанбул: Нов бомбашки напад - Мета автобусот на турската полиција

Две лица загинаа, а осуммина се повредени во бомбашки напад што денеска е извршен врз автобус на турските сили за брза реакција во централниот дел на Истанбул, јави телевизијата Си-Ен-Ен Турк.

Eксплозијата се случила во близина на автобуска станица во момент на минување на .

Превозното средство веројатно било цел на терористички напад, информира турската телевизиja.

Инцидентот се случил во време на утриснкиот сообраќаен шпиц во истанбулскиот реон Везниџилер, во европскиот дел од градот. Во близина се наоѓаат Истанбулскиот универзитет и историскиот кварт. На местото на нападот пристигнале неколку возила на брза помош.

Си-Ен-Ен Турк информира дека паркиран автомобил, наполнет со експлозиви, од дистанца со далечински управувач бил кренат во воздух при минувањето на полицискиот автобус.

Засега никој не ја презел одговорноста за нападот, посочуваат британските медиуми.

Курдските бунтовници, Исламскатa држава и радикалните левичарски групи во последните неколку месеци имаат извршено повеќе напади во Турција.