Кривокапиќ: Ги подржувам сите корисни регионални иницијативи

Задоволство е да се биде гостин на вечерата по повод регионалната иницијатива Отворен Балкан, напиша вечерва премиерот на Црна Гора, Здравко Кривокапиќ, на својот Твитер профил, јави дописникот на МИА од Белград.

-Иако како црногорски премиер сум претставен на вечерата во формат на гостин, ги поддржувам сите корисни регионални иницијативи, особено кога тие доаѓаат од нашите пријатели и соседи од Србија, Албанија и Северна Македонија, со цел на што побргу интегрирање на целиот регион во ЕУ, напиша Кривокапиќ.