Кривична пријава за убиецот на стружанецот Асани

Дваесет и три годишниот А.К. од струшкото село Велешта доби кривична пријава за „убиство“ и „недозволено изработување, држење и тргување со оружје или распрскувачки материјал“, информира на денешната прес-конференција портпаролот на СВР Охрид Стефан Димоски.
Лицето е осомничено за вчерашното убиство на Аргетим Асани (42) од Струга. Пријавениот на улицата „Маркс и Енгелс“ од пиштол испукал 14 истрели и го убил Асани.
- Настанот се случил во момент кога сега починатиот излегувал од деловен објект лоциран на улицата „Маркс и Енгелс“ во Струга. Во моментот, од патничко моторно возило марка „Голф“ сребрена боја излегол осомничениот и од пиштол испукал 14 куршуми кон Аргетим А., кој на пат кон Општата болница во Струга подлегнал на повредите, појасни Димоски.
Смртта, додаде тој, е констатирана од лекар во хируршкото оделение при општата болница во Струга.
- По извршениот криминалистичко технички увид на местото на настанот предводен од јавен обвинител и по други преземени мерки, полициските службеници извршија претрес во домот на пријавениот А.К., при што во дворот е забележано патничко моторно возило „Голф“ со струшки регистарски таблици. Во багажникот од возилото пронајден е пиштол марка „ХС“ со рамка без муниција, истакна Димоски.
Пронајдените предмети привремено се одземени, а пиштолот е предаден на вештачење во Министерството за внатрешни работи во Скопје.
Ново на Сител
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
-

Малезија ќе пресели десет илјади бегалци Рохинџи во Турција
-

Герасимовски: Целосно реконструирано детското игралиште зад Универзална сала, поставени тобогани, реквизити и урбана опрема
