Кривична пријава за „предизвикување општа опасност“ против полициски служеник во Струмица
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднел кривична пријава против Т.А., полициски службеник во Полициска станица за безбедност на патниот сообраќај Струмица, поради постоење основи на сомнение дека сторил кривично дело „предизвикување на општа опасност“, по член 288 став 1 од Кривичниот законик.
Пријавениот, соопштија денеска од МВР, на 29.06.2024 околу 06.20 часот, во својство на полициски службеник, напуштајќи го работното место, заминал на ул.„Бетовенова“ каде се сретнал со едно лице, по претходен договор за средба, и во еден момент пријавениот Т.А. со службениот пиштол испукал неколку пати, со што предизвикал општа опасност за граѓаните во околината.
Именуваниот полициски службеник, се посочува во соопштението, не го пријавил настанот во СВР Струмица, повторно се вратил на работното место и по завршување на смената во СВР Струмица се раздолжил со опремата и си заминал.
- Пријавениот преку неговите колеги, полициските службеници П.П. и С.Д., кои биле испратени од страна на СВР Струмица по поднесена пријава од страна на граѓанин за истиот настан, се обидел да делува за прикривање на настанот, што не било пријавено од нивна страна, појаснуваат од МВР.
Одделот за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност против полицискиот службеник Т.А. и ќе изрече задолжителни мерки за отстранување од работното место до завршување на дисциплинската постапка, а против полициските службеници П.П. и С.Д. ќе поднесе предлог за поведување на постапка за кршење на работниот ред и дисциплина.
Ново на Сител
-
Мицкоски: Наскоро пристигнува помош од Словенија, Србија, Турција и Црна Гора во борба против пожарите
-
Хамас се повлекува од преговорите за примирје во Појасот Газа
-
По обидот за атентат најверојатно ќе се зголеми рејтингот на Трамп
-
Јанчев очекува пожарот на Серта денеска да се стави под контрола
-
Десет до петнаесет колапси дневно и зголемен број сообраќајки
-
Исклучени два далекуводи во неготинско од безбедносни причини, нема прекини во снабдувањето со електрична енергија
-
Герапетритис: Новиот политички и државен врв на Северна Македонија систематски го прекршува Договорот од Преспа
-
Лишен од слобода жител на неготинско село, братот пријавил во полиција дека му се заканувал со остар предмет