Кривична пријава за две лица од Гостивар за наркотични дроги
Кривична пријава за две лица од Гостивар за недозволено производство и пуштање во промет на наркотични дроги.
Како што соопшти МВР, поднесена е кривична пријава против Е.И.(26) од гостиварското село Лакавица и Б.Р.(34) од Гостивар, а од страна на судија на претходна постапка одредена им е мерка притвор во траење до 30 дена.
Вчера околу 21 часот, при акција на криминалистичката полиција при СВР Охрид, во патнички автомобил „порше“ со гостиварски регистарски ознаки, управуван од Е.И., пронајдени се околу 40 килограми непозната тревкаста материја.
- Акцијата е изведена во соработка со униформираниот полициски состав од полициската станица од Струга со поставување пункт на раскрсницата помеѓу струшките села Франгово и Калишта. Притоа, сопрен е патничкиот автомобил по што на задното седиште забележана е црна платнена торба со 20 најлонски пакувања со зелена растителна материја. Дополнително во багажниот простор на возилото, пронајдена е уште една таква торба со иста количина најлонски пакувања. Покрај ова, пронајдени се и мобилни телефони, како и поголема количина пари во различна валута, се наведува во соопштението на МВР.
Во консултација со јавен обвинител, пронајдената растителна материја и другите предмети се одземени и предадени на вештачење во Министерството за внатрешни работи во Скопје.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти