Критики за француската Влада поради планот за излез од изолација
Француската Влада денеска се најде на удар од критики и прашања околу планот за постепено ублажување на мерките за изолација, најавен за 11 мај.
Градоначалничката на Париз, Ен Идалго и повеќе од 300 други градоначалници бараат од Владата да го одложи најавеното враќање во училиштата за некои групи деца, објаснувајќи во писмото до францускиот претседател Емануел Макрон дека датумот е „неодржлив и нереален“ во повеќето општини.
Француските училишта се затворени од средината на март, а министерот за образование, Жан-Мишел Бланкер тврди дека околу четири проценти од учениците изгубиле секаков контакт со своите наставници и заостануваат со наставниот материјал.
Градоначалниците, пак, тврдат дека немале доволно време да ги подготват училиштата за повторно отворање, кои се соочуваат со логистички проблеми, како што се обезбедување заштитни маски за наставниците и учениците во средните училишта.
Операторите за јавен превоз, исто така, изразија загриженост во врска со планот за излез од изолација и предупредуваат дека на 11 мај нема да можат да ја обезбедат потребната физичка дистанца за патниците.
Францускиот премиер Едуард Филип во текот на денот треба на Сенатот да му го претстави планот за олеснување на мерките.
Со 25.000 смртни случаи, Франција е една од најпогодените европски држави од Ковид-19.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата