Крф се гуши во смет

Сопствениците на продавници и туристичките работници на јонскиот остров Крф се очајни поради купиштата смет кои се трупаат во главниот град, но, исто така и околу клучните споменици и локалитети, откако пред две недели локални жители со протести ја затворија најголемата депонија на островот.

Сопствениците на дуќаните ги прскаат кушиштата смет со средства за дезинфекција и ги покриваат со најлони за да го запрат мирисот од отпадот кој многу брзо скапува на летните темптератури.

Жителите на Темплони, каде што се наоѓа депонијата, бараат локалните власти да ја санираат депонијата, за да ги исполнува стандардите на Европската Унија, или да ја преселат.