Кремљ: Обвиненијата од САД за хакерски напади се глупост
Москва, 8 октомври 2016 (МИА) - Кремљ ги оквалификува обвиненијата од САД дека руската Влада стои зад хакерските напади на американски политички организации како „глупост“.
- Ова е повторно некој вид глупост, изјави портпаролот на Кремљ Дмитриј Песков.
- Секој ден сајтот на Путин го напаѓаат десетици илјади хакери. Голем број од тие напади доаѓаат од САД, но ние не ја обвинуваме Белата куќа или Ленгли, истакна Песков.
Американски функционери и официјално ја обвинија руската влада за кибер напади на американски политички организации, наведувајќи дека целта била „мешање во изборниот процес во САД“.
„Веруваме дека врз основа на обемот и чувствителноста на овие активности дека само највисоки руски функционери можеле да дадат овластување за нив“, се наведува во заедничкото соопштение на Министерството за национална безбедност и канцеларијата на директорот на американските разузнавачки служби.
Ова соопштение е прво официјално обвинение од вашингтон за Москва во врска со серијата хакерски напади врз членови на Демократската партија.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време