Фудбал
23. јуни 2016 - 14:52

Крањчар нов тренер на Динамо Загреб

Златко Крањчар по 18 години се врати во редовите на хрватскиот шампион Динамо. Клубот соопшти дека новиот тренер официјалната промоција ќе ја има во петок.
 
Играчката легенда на Динамо (307 натпревари, 125 голови), Златко Крањчар, го наследи Зоран Мамиќ на тренерската функција. Крањчар на јавноста ќе ѝ биде претставен во петок, а на официјален натпревар ќе дебитира во Скопје против Вардар, во второто квалификациско коло во Лигата на шампионите, на 12. јули.
 
Крањчар во првиот мандат како тренер на Динамо има освоено четири трофеи, а во 2002 година со Загреб ја освои шампионската титула. Прославениот тренер е единствениот кој во Хрватска барем на една сезона ја прекина доминацијата на Динамо и Хајдук.
Славнио „Цицо“ како фудбалер  има гостувано во Скопје против ФК Вардар со Динамо Загреб во златните години на Ју-фудбалот.