Косовскиот парламент утре ќе одржи вонредна седница за избор на нова влада
Вонредна седница за избор на нова влада на Косово ќе се одржи утре по барање на 45 пратеници, одлучи денеска попладне претседателството на косовскиот Парламент.
Претседателот на Собранието, Кадри Весели изјави дека „на Косово му претстојат големи задачи на кои мора забрзано да работи“.
Мандатар за состав на новата косовска влада е Рамуш Харадинај предложен од коалицијата ПАН (Демократска партија на Косово, Алијанса за иднината на Косово и Иницијатива за Косово) и Алијанса ново Косово на Бехџет Пацоли.
Харадинај истакна дека очекува поддршка и од редовите на малцинските заедници. Сите тие бројат 62 гласа, а за избор на влада потребни се 61 глас.
Тој додаде дека се уште нема комплетна листа со имиња на министри од сите политички партии, но на утрешната седница ќе бидат претставени сите членови на новиот владин кабинет.
Косовските медиуми објавија дека во новата влада на Косово партијата „Српска листа“ ќе има три министерски места.
Ново на Сител
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори
-
Променливо време со дожд и во наредните денови