Косово со олеснети мерки за справување со Ковид-19, процедури за влез од Македонија
Во Косово од денеска стапува во сила новата, трета, фаза на постепено олеснување на мерките воведени со цел справување со епидемијата на Ковид-19.
Меѓу мерките кои ги објави синоќа косовската Влада во оставка, е отворањето на неколку земски гранични премини, меѓу кои и оној со Северна Македонија кај Генерал Јанковиќ (Блаце), при што се пропишани процедури кои треба да ги испочитуваат лицата кои влегуваат во Косово.
– Се отвораат граничните премини Мердаре, Врмица, Кула, Генерал Јанковиќ, Јариње и Бела Земја. Сите лица кои влегуваат на територијата на Република Косово се обврзуваат да ги извршат прегледите од страна на Главните центри на семејна медицина (ЌКМФ) на граничните премини и да ги спороведат заштитните мерки против Ковид-19. Сите лица кои влегуваат на територијата на Република Косово и поседуваат негативен резултат од тестот на Ковид-19 (не постар од четири дена) не подлегнуваат на процедурата на самоизолација. Тие кои не го поседуваат тестот од претходната точка се задолжуваат да се самоизолираат на седум дена, се вели во синоќешната одлука на Владата во Приштина.
Според истата, предвидено е до 20 јуни да се изврши нова проценка на епидемиолошката ситуација во врска со влегувањето на граѓаните во Косово, а ќе се следи ситуацијата и ќе се оценува можноста за отворање на сите земски гранички премини и на аеродромите, како и за одржување прослави, отворање на бањите, на саеми, базени и ноќни клубови.
Во оваа фаза на олеснување на мерките во Косово ќе се отворат угостителските објекти, кината, театрите и другите културни установи, се отвора градскиот и меѓуградскиот сообраќај и такси службата, факултетите ќе ги одржуваат испитите, а средните училишта ќе ги организираат матурските тестирања. Предвидено е и селективно отворање на спортските активности.
Во сите случаи остануваат во сила одредени ограничувања, пред се обврската за почитување на препораките на здравствените власти, како одржувањето на физичката дистанца и преземањето други заштитни мерки.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп