Косово: Ќе се пребројуваат гласовите во 494 избирачки места
Централната изборна Комисија на Косово (ЦИК) одлучи денеска да се повтори броењето на гласовите во 494 избирачки места на кои се гласаше на вонредните парламентарни избори на 14 февруари, јави дописникот на МИА од Приштина.
Портпаролот на ЦИК, Ваљмир Елези изјави за медиумите дека на спорните ибирачки места се забележани разни видови неправилности при евиденцијата на гласовите.
– Според ЦИК, пребројувањето ќе се изврши поради следните причини: погрешно пренесување на гласовите во формуларите на политичките субјекти (35 избирачки места); погрешно пренесување на гласовите во формуларите на кандидатите (6 избирачки места); кандидатот или кандидатите имаат повеќе гласови од политичкиот субјект (370 избирачки места); и политичкиот субјект има добиено гласови, додека кандидатот не и обратно (83 избирачки места), информира Елези.
Косовските граѓани на овие избори гласаа во 888 гласачки центри со 2.382 избирачки места, што значи дека пребројувањето ќе се изврши во околу 2,5 отсто од гласачките места.
Ново на Сител
-
Родители во Велика Британија поднесоа тужба против ТикТок поради податоци за починати деца
-
Македонија со пораз од Естонија остана без пласман на Европското кошаркарско првенство
-
Доктор: Животот на папата Франциск не е во опасност, тој е добро расположен
-
Украинските војници не сметаат дека наскоро ќе има крај на војната
-
Полицаец се самозастрела во Скопје
-
47-годишен турчин измамен во Штип за сума од 3.550 евра
-
Минчев: Меџити да не се однесува како Алиса во Земјата на чудата
-
Извори од Ватикан: Денес или утре ќе се знае како папата Франциск реагира на новата терапија