Балкан
13. January 2016 - 17:28

Косово ќе побара демаркација на границата со Србија во преговорите со Белград

Косовскиот министер без ресор Едита Тахири, која е одговорна за дијалогот со Белград, изјави дека во идните преговори Приштина ќе побара демаркација на границата со Србија, пренесе БТА.

Косово ќе го стави на разгледување и расформирањето на паралелните српски структури во Косово, што ќе биде главниот услов за започнување на работата за документите за формирање на унија на српски општини, соопшти Тахири.

Таа рече дека косовската страна се уште не добила официјална покана за средба на високо ниво на премиерите на Косово и на Србија Иса Мустафа и Александар Вучиќ во рамки на дијалогот Белград-Приштина, што се води во Брисел со посредство на ЕУ.

Како можен датум за средбата се споменува 27 јануари.