Корона кризата ќе го ограничи работното време на сите економски субјекти до 22 часот!?

Денеска членовите на Комисијата за заразни болести се на работен состанок со премиерот на Владата Зоран Заев. Ќе ги достават и предлог мерките усвоени на состанокот во петокот кои пак ќе треба да поминат на владина седница. Според информации на Сител, има измена во една од препораките, а тоа е работното време на сите економски субјекти да биде до 22 часот и за тоа биле поголем број од членовите на Комисијата. Но дали ќе биде прифатено од Владата или ќе остане до 23 часот како што беше првичната препорака ќе се знае по завршување на состанокот. Останатите две мерки се забрана за организирање на било какви настани како и преполовување на капацитетите на патници во јавниот превоз. Овие мерки следуваат по влошување на состојбата со Ковид 19 во државата. Само викендот во државата се дијагностицирани повеќе од 1100 заразени со корона и 13 починати.

Останатиот пакет мерки пак, предложен уште пред 10 дена ќе чека законски измени во собрание а потоа и подзаконски акти во Владата.

Сања Димитровска