Конте очекува нова влада до среда

Италијанскиот премиер Џузепе Конте изјави дека очекува до среда да ги заврши разговорите околу новата италијанска влада.
Претседателот на Италија, Серџо Матарела минатата недела му даде мандат на Конте да се обиде да формира нова коалиција, бидејќи претходната која ја сочинуваа Движењето 5 ѕвезди и екстремно десничарската Лига се распадна. Лидерот на Лига, Матео Салвини се повлече надевајќи се дека ќе предизвика распишување предвремени избори, оти ќе победи на нив и самостојно ќе формира влада, сметајќи на популарноста која моментно ја има во јавноста поради својата антимигрантска политика.
Движењето 5 ѕвезди и Демократската партија во текот на изминатиот викенд водеа интензивни преговори околу министерските места, а Конте истакна дека „политичкото расположение” меѓу нив е добро.
– Тоа ќе биде вторник или в среда најдоцна, изјави Конте, одговарајќи на прашањето кога повторно ќе отиде кај Матарела со програма и имињата на министрите.
Конте изрази уверување во позитивен исход од преговорите.
Доколку не биде постигнат договор во текот на оваа недела, се очекува Матарела да го распушти Парламентот и да одреди датум за избори.
Ново на Сител
-

Просечната нето-плата во септември 49.141 денар
-

Лагард: Европа реагира предоцна во кризите
-

По масовниот прилив на мигранти во Сеута за 650 отсто зголемени пријавите за сексуални напади
-

Кривична за тројца полициски службеници кои малтретирале малолетник во Охрид по обид за бегство со мопед
-

Синдикатите повикаа на генерален штрајк во Италија – Планирани се 100 демонстрации
-

Николоски: Целосна реконструкција на патот Валандово-Струмица, следната година активности за патот кон Дојран
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
