Конкурс за ученици за творби посветени на Гоце Делчев

Во пресрет на 4 февруари, роденденот на Гоце Делчев, издавачката куќа „Феникс“ од Скопје го распишува традиционалниот Конкурс за ликот и делото на Гоце Делчев.

- На Конкурсот може да учествуваат сите заинтересирани ученици од основните и средните училишта од Скопје и Републиката, со литературни и ликовни творби на тема „Јас го разбирам светот како поле за културен натпревар меѓу народите“. Песните, расказите и цртежите треба да се праќаат преку пошта или да се доставуваат лично на адресата: Издавачка куќа Феникс, ул. Костурски херои бр.35, 1000 Скопје, соопшти „Феникс“. 

Конкурсот ќе биде отворен од утре, 20 јануари, и ќе трае до 10 февруари 2017. Жири-комисија ќе ги разгледа пристигнатите прилози и ќе додели награди во книги. Резултатите ќе бидат соопштени во февруари, во рамки на Зимскииот саем на книгата, кој ќе трае од 15 февруари до 15 март оваа година.