Концерт на виолинистката Ванеса Меј во Вип Арена „Борис Трајковски“
Популарната британска виолинистка Ванеса Меј вечер ќе гостува во Вип Арена „Борис Трајковски“ во Скопје, што ќе биде единствен настап на познатата музичарка во регионот. Концертот го организира Прагма продукција со поддршка на Министерство за култура и Македонската филхармонија.
Ванеса Меј Венкорн Николсон професионално позната како Ванеса Меј е британска мегапопуларна виолинистка. Атрактивната и популарна виолинистка некогаш била нарекувана „чудо од дете”, а сега е една од најпознатите виолинистки на сите времиња. Позната е по спојот на техно и класичниот стил во своите изведби. Уште на 16 години ги поместува музичките граници кога го објавува албумот „Violin Player” формирајќи необичен микс на џез, поп и техно звук, но се издвојува и по нејзините сценски настапи и необичен изглед. Албумот веднаш по објавувањето се нашол на Топ-листите во над 20 земји од светот.
Првиот солистички концерт го имала на само 9 години, а на 10 веќе настапувала со симфониски концерт. До нејзините 13 години веќе објавила три албуми. Ванеса Меј е запишана во Гинисовата книга на рекорди како најмлад инструменталист кој изведува виолиниски концерти на Бетовен и Чајковски. Таа е и прв изведувач на класичен инструмент кој бил номиниран за престижните BRIT awards за номинацијата „Најдобар женски изведувач”.
Во 2006 година е рангирана како една од најбогатите млади изведувачи со заработка од над 32 милиони фунти од концерти и продажба на 10 милиони албуми ширум светот.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје