Комисија за европски прашања: Данска поддршка за нашите евроинтегративни процеси
Членовите на собраниската Комисија за европски прашања денеска имаа средба со данската парламентарна делегација на Комисијата за европски прашања, во рамките на нивната работната посета на нашата земја.
Воведно обраќање на средбата имаше заменик претседателката на Комисијата, Арта Билали Зендели, која истакна дека со Кралството Данска имаме добри пријателски односи, на сите полиња, при што се заблагодари на данската поддршка на процесот на проширувањето на Европската унија со земјите од Западен Балкан, а во тој контекст и на нашата земја.
Потсетувајќи дека Данскиот парламент беше прв, кој го ратификуваше нашиот Договор за стабилизација и асоцијација, како и Протоколот за пристапување на Северна Македонија во НАТО, таа изрази надеж дека Данска и понатаму ќе ја поддржува нашата земја на патот кон ЕУ.
Во тој контекст, Билали Зендели истакна дека како земја кандидат за ЕУ членство, сме обврзани да ги почитуваме насоките во нашата Преговарачка рамка за ЕУ членство, во кои меѓу другото,треба да ги внесеме и Бугарите во нашиот Устав. Притоа информира дека уставните измени се во собраниска процедура и дека очекува тие да се усвојат што поскоро со цел да се оддржи Меѓувладината конференција за време на шпанско претседателство, односно до крајот на годината, со цел земјата да добие позитивен импулс и ентузијазам за реализација на потребните реформи.
Претседателот на Комисијата за европски прашања Нилс Флеминг Хансен, ја повтори данската поддршката за евроинтегративните процеси на нашата земја и дека ја разбира нашата загриженост дали повторно нема да има блокади на нашиот евроинтегративен пат.
Како што е наведено во соопштението од собраниската прес-служба, Хансен истакнал дека Северна Македонија мора да ја испочитува обврската од Преговарачката рамка и да ги изгласа уставните измени, но истовремено и да работи на имплементацијата законите и прописите кои ги бара ЕУ од нас во повеќе области.
Ново на Сител
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова
-
Украина соопшти за тројца загинати во Доњецк од руска артилерија
-
Пациент во Америка заразен со птичји грип без претходен контакт со болни животни
-
Костовски: Ништо не е невозможно за тој што ќе се осмели, благодарен сум за наградата „8 Септември“