Комеморативна седница во Охрид по повод смртта на академик Цветан Грозданов
Охрид денеска со комеморативна седница се збогуваше со својот сограѓанин, академик Цветан Грозданов, човекот што целиот свој живот го посвети на својот роден град промовирајќи го низ светот.
Градоначалникот на Охрид Јован Стојаноски пред присутните на комеморацијата истакна дека Грозданов е меѓу великаните кои влегуваат во колективната меморија поради вечноста на нивните дела. За Цветан Грозданов тој рече дека е човекот кој животот му го посветил на овој древен град и прецизно го позиционира на врвот на светските цивилизациски вредности.
- Животот, творечката енергија, научниот предизвик и филигранската интуиција, ги подари на потрагата по вредностите на уметноста задскриени во црквите и манастирите и археолошките наоѓалишта... Како признат општественик и амбасадор на македонската научна и културна мисла во светот, со својата научно фундирана посветеност кон историјата на уметноста, зад себе остави извонредно богат творечки опус, но и многу негови современици кои продолжуваат да го доодуваат патот по кој чекореше, рече меѓудругото Стојаноски.
Археологот Паско Кузман забележа дека академик Грозданов замина од нашето и неговото минато, од нашата и неговата сегашност, за да отиде во иднината и во еден од паралелните светови на трите профили од времето.
- Во тој паралелен свет се живее sub specie aeternitatis (во светлините на вечноста), што значи овој наш човек отиде таму не по дефиницијата за подарена, туку со одработена и заслужена привелегија, одразена со беспрекорна научна интерпретација за средновековните културни, уметнички и духовни вредности на Охрид, Македонија и балканските простори, значајни не само за овие регионални пространства, туку и за европските и светските културно-историски, духовни и уметнички текови, рече Кузман.
Академикот Цветан Грозданов е роден на 5 март 1936 година, а почина на 30 март 2018 години. Неговите посмртни останки беа погребани вчера на градските гробишта во Охрид.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување