Комеморација за Холокаустот – никогаш и никому да не се повтори
Комеморативна церемонија по повод 27 јануари – Меѓународниот ден на сеќавање на Холокаустот и концерт со изведба на еврејски песни на дуото Тимна Брајер и Елиас Меири (клавир и гитара) од Виена се одржа вечерва во Македонската филхармонија.
Домаќини на церемонијата беа министерот за надворешни работи на Република Македонија Никола Димитров и амбасадорката на Сојузна Република Австрија во Република Македонија Ренате Коблер.
Министерот за надворешни работи Никола Димитров, во своето обраќање, порача дека сеќавањето е првиот чекор во нашите заложби такво злосторство никогаш и никому да не се повтори.
– Наша заложба и обврска денеска и во годините пред нас е да се сеќаваме на сите жртви на холокаустот, вклучувајќи ги и 7.114 евреи од Макеоднија кои во 1943 беа депортирани во логорот на смртта Треблика и да извлечеме поуки за нас и младите генерации, изјави Димитров.
Нагласи дека вечерта кога се сеќаваме на жртвите на холокаустот не смееме да заборавиме дека појавите на негирање на холокаустот, антисемитизмот, дискриминацијата и говорот на омраза се се почесто присутни во медиумите.
– Ваквите показатели не смее да не обезхрабрат, туку треба да не поттикнат да продолжиме уште поригорозно со мерки за нивно сузбивање. Директната закана на антисемитизмот за европските и воопшто за демократските вредности е очигледен и бара неодложна акција, изјави Димитров.
На церемонијата присуствуваше и министерот за надворешни работи на Република Литванија, Линас Линкевичиус, кој се наоѓа во официјална посета на Република Македонија.
– „Никогаш да не се повтори“ не е само празен слоган во Литванија. Проследен е со конкретни постапки. Продолжуваме со активности за зачувување на нашети историско сеќавање и негување на културното наследство на литванските Евреи. Веќе почнаа и подготовките за прославата на 2020 година, што литванскиот парламент ја одреди како година на Гаонот од Вилнус и историјата на Евреите од Литванија, истакна Линкевичиус.
Нагласи дека владата на Литванија најостро ги осудува оние граѓани кои што соработувале со нацистичкиот режим и биле дел од ова ужасно злосторство против човештвото.
Ново на Сител
-
Репортери без граници: Северна Македонија на 36. место, најдобро рангирана меѓу државите од регионот
-
Автобус падна во длабока провалија во Пакистан, најмалку 20 загинати и 21 повреден
-
СПМ: Гласањето на 8 мај е пресудно за иднината на државата
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина