Командант на КФОР: Курти е виновен за кризата со општините, ја употреби и полицијата без овластувања
Косовскиот премиер Албин Курти е виновен за кризата во Косово бидејќи тој „прво ги назначи Албанците за градоначалници на општините што не се признати од српското мнозинство, и покрај советите на целата меѓународна заедница. Потоа следеше едностраниот потег на Владата во Приштина да употреби сила без да се консултира со нас“, изјави командантот на КФОР, генерал Анџело Микеле Растуча за италијанскиот весник „Кориере дела сера“, пренесе Бета.
Италијанскиот генерал нагласи дека „со тоа станала неопходна интервенцијата на КФОР за да се избегне трагедија“ и дека „две години се преземаат чекори кои не влечат наназад и сега е доста со еднострани акции“.
„Мисијата на НАТО не може и не смее да се смета за покритие и заштита на едностраните потези кои ја поткопуваат многу кревката рамнотежа“, јасно кажа командантот на КФОР во интервјуто со новинарот на „Кориере дела сера“ од Приштина.
Во извештајот се подвлекува дека „командантот на КФОР се уште е под впечаток на се, бидејќи тоа можеше да предизвика жртви доколку не интервенираа неговите војници, кои се ставија меѓу гневните Срби и косовската воена полиција“.
На прашањето „дали не беше акција на владата која дејствува на нејзина територија“, генералот Растуча одговара дека „не смееме да се преправаме дека има нормална ситуација, бидејќи тоа се одлуки донесени без наша согласност и од засегнатите страни“.
„Тоа во никој случај не придонесува за взаемна доверба, штетните последици од таквите потези секогаш мора да се проценуваат, а кога премиерот Курти разговараше со мене, секогаш велеше дека се согласува со таквиот пристап“, објасни командантот на КФОР.
Ново на Сител
-
Приведени три лица во Велешко, запленето оружје
-
Извозот на оружје од Србија е зголемен за четвртина во однос на лани, од увоз ќе го добие првиот Ербас Ц-295
-
Бислимоски: Доколку не работи ТЕ-ТО ќе ни се случи ценовно цунами
-
Понеделник, првиот ден на Јом Кипур неработен за припадниците на еврејската заедница
-
35 годишен маж загина во пожарот во зградата во Хром
-
Во три одвоени случаи во близина на грчкиот остров Лезбос спасени над 100 бегалци и мигранти
-
Хрватска има повеќе од 1,8 милиони автомобили
-
Бесплатен оброк за 1.810 ученици од прво до петто одделение во Кавадарци