Колумбискиот претседател вели дека кокаинот „не е полош од виски“
Кокаинот „не е полош од виски“ и е нелегален само затоа што доаѓа од Јужна Америка, изјави колумбискиот претседател Густаво Петро за време на директен пренос од владиниот состанок.
За време на шестчасовниот министерски состанок — емитуван во живо за првпат досега — левичарскиот претседател рече дека „кокаинот е нелегален затоа што се произведува во Јужна Америка, а не затоа што е полош од вискито“.
„Научниците го анализираа ова. Кокаинот не е полош од вискито“, додаде тој, сугерирајќи дека глобалната кокаинска индустрија би можела „лесно да се разбие“ доколку дрогата биде легализирана ширум светот.
„Ако сакате мир, мора да го уништите бизнисот (шверцот со дрога)“, рече тој. „Лесно би можело да се растури ако го легализираат кокаинот во светот. Би се продавал како вино“.
Петро, исто така, истакна дека фентанилот „ги убива Американците и дека не е произведен во Колумбија“, мислејќи на опиоидот одговорен за околу 75,000 смртни случаи во САД годишно, според официјалните податоци.
„Фентанилот е создаден како лек во аптека од северноамерикански мултинационални компании“ и оние што го консумирале „станале зависници“, додаде тој.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка