Коѕијас вонредно на средба со Ципрас
Шефот на грчката дипломатија Никос Коѕијас вонредно и претходно непланирано се наоѓа во премиерската палата на средба со Алексис Ципрас, објавија дел од грчките медиуми.
Како што јави дописничката на МИА од Атина, информацијата за средбата на Ципрас и Коѕијас не е официјално потврдена, но во новинарските кругови во Грција, интензивно се споменува дека од претпладнето министерот за надворешни работи е во премиерската палата.
Оваа средба, грчките медиуми и новинарите ја поврзуваат со телефонскиот разговор меѓу премиерите Ципрас и Заев и коментираат, повикувајќи се на свои извори и на информациите во македонските медиуми, дека овој разговор би можел да се случи во текот на денешниот ден.
Коментарите во Грција се дека временскиот период за телефонскиот разговор се стеснува, со оглед на тоа што шефот на грчката дипломатија Никос Коѕијас на 13 и 14 јуни ќе биде во Москва на средби со неговиот руски колега Сергеј Лавров, а во истиот период македонскиот премиер Зоран Заев заминува за Франкфурт.
Во четврток, пак, на дневен ред во Грција е гласањето во Парламентот на новиот нацрт закон што се однесува на среднорочната рамка за финансиската стратегија за периодот 2019-2022.
Ново на Сител
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса