Кобна вечер: Жена загина пред Прилеп - едно лице се бори за живот

Доцна попладнево на излезот на Прилеп кај Лагово на патот кон Битола се случи тешка сообраќајна незгода во која според првичните информации на битолската полиција едно лице загина, а најмалку еден патник е тешко повреден. Во сообраќајката учестувале две патнички моторни возила, едното со скопски регистарски ознаки, а другото со битолски. 

Починатото женско лице како што велат од полицијата било во автомобилот со скопски регистарски ознаки. Друго лице кое е повредено било транспортирано на клиниките во Скопје. Заради сообраќајката патот Прилеп-Битола неколку часа беше затворен за сообраќај, а возилата се пренасочуваа по стариот пат.