Џет-Сет
14. March 2016 - 9:45

Ќе се снима продолжение на култниот филм „Треинспотинг“

Долгоочекуваното продолжение на филмот „Треинспотинг“ ќе започне да се снима во мај во Единбург, најави Дени Бојл, режисерот кој ќе се потпише и на вториот дел. 

Бојл веќе пристигна во Единбург, со цел да ја избере локацијата за снимањето на продолжението од овој култен филм. 

Исто така,  на Фејсбук страната „Humans of Edinburgh“, објавен е дел од интервјуто со режисерот, во кое тој забележува дека градот, кој послужи за сценографија во оргиналниот дел, е драстично променет во изминатите 20 години. 

 - Откако го снимивме првиот дел, Единбург е драстично променет, забележа Бојл, и откри дека на сетот на Еван Мекрегори ќе се придружат Џони Ли Милер, Роберт Карлајл и Јуен Бремнер. 

Сценериото за продолжението го напиша Џон Хоџ, кој беше сценарист на оргиналниот филм и за тоа е награден со БАФТА награда во 1996 година. 

Приказната ќе ги следи познатите анти-херои во подоцнежните години од животот. 

Меѓутоа, се уште не е познато дали во продолжението ќе се најде место за Кели Мекдоналд, која во оргиналниот дел ја толкуваше улогата на средношколката Дајан.