Ќе се гради детска градинка во Зрновци
Општина Зрновци и Минситерството за труд и социјална политика потпишаа договор за изградба на нова детска градинка во ова населено место. Градинката ќе биде од особена важност за жителите на оваа општина бидејќи ваков објект во општината нема, а најодалечениот е десетина километри во Кочани.
- Со Министерството за труд и социјална политика потпишавме договор за изградба на нова детска градинка во Зрновци. Финансиските средства се обезбедени од МСИП грантот од ИПАР програмата на ЕУ во вкупна вредност од 230 илјади евра. Градинката ќе биде лоцирана на влезот во Зновци на површина од 400 метри квадратни и ќе биде со капацитет од 80 до 100 деца, изјави градоначалникот Блаже Станков.
Според договорот, истакна Станков, Министерството за труд и социјална политика се обврза целосно да ја опреми градинката со потребните реквизити и опрема за нормален престој на децата.
Изградбата на новата детска градинка во Зрновци се најавува за месец септември оваа година.
Градоначалникот Станков информираше и за добиените проекти за регулација на Зрновска река, втора фаза и асфалтирање на крак од улиците „Скопса“ и „Генерал Апостолски“ во вкупна вредност од 200 илјади евра, средства добиени од канцеларијата на МСИП од ИПАР програмата на ЕУ.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан