Кирацовски во Обвинителството на распит за „Рекет“

Пратеникот на СДСМ, Александар Кирацовски влезе на распит во Обвинителството за организиран криминал и корупција во врска со случајот „Рекет“.

 

Во кратка изјава за медиумите Кирацовски рече дека е повикан во својство на сведок и рече дека по распитот на излегување ќе даде изјава за медиумите.

 

Вчера беше и неговата колешка од СДСМ Фросина Ременски, таа во обвинителството се задржа 3 часа.

 

Тие се првите двајца политичари кои се повикани на распит за случаjот „Рекет“.

 

Во врска со „Рекет“ осомничени и во притвор се Бојан Јовановски – Боки 13, Зоран Милевски – Кичеец и специјалната јавна обвинителка Катица Јанева.