Кирацовски: Привремените лиценци на инспекторите да бидат продолжени за една година
Дополнителниот заменик-министер за информатичко општество и администрација Александар Кирацовски бара привремените лиценци на инспекторите да бидат продолжени за една година.
- На неколку месеци пред изборите им бараат на инспекторите положен испит за инспектор најдоцна до 1 јули годинава, а ако не тие ќе ја загубат работата, рече на прес-конференција Кирацовски.
Тој тврди дека ресорното Министерство ги прекршило Законот и роковите и по две години минатиот месец го донело Правилникот за начинот на полагање на инспекторите со што, како што рече, им го скрати рокот за полагање.
- Намерно ги поместија роковите за лиценци за инспекторите за да прават притисоци врз нив и врз граѓаните, рече Кирацовски.
Со барањето да се продолжат привремените лиценци на инспекторите за една година, како што посочи, тие во меѓувреме ќе можат во фер и транспарентна постапка да го полагаат испитот.
Кирацовски потенцираше дека Инспекцискиот совет што одлучува за лиценците на инспекторите е формиран од Владата. Во 2013 година, според Кирацовски, власта со Закон ги условила инспекторите дека можат да останат да ја вршат таа работа само ако се стекнат со лиценци и покрај тоа што се примени на работа според Законот за државни службеници којшто не го предвидува тоа за нивната служба. По ова, потсети, им дадоа времени лиценци со рок до 1 јули 2016 година и рок во три обиди за една година да го положат испитот.
- Но, токму ова Министерство ги прекрши Законот и роковите. Дури по две години, на 8-ми минатиот месец го донесе Правилникот за начинот на полагање на инспекторите со што им го скрати рокот за полагање, рече дополнителниот заменик-министер за информатичко општество и администрација.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата