Кинези во Славија Прага

Кинеската енергетска компанија CEFC го купи мнозинскиот пакет акции во фудбалскиот клуб Славија Прага, еден од најстарите фудбалски клубови во Чешка.

CEFC е шеста по големина приватна компанија во Кина со основно работење во секторите на енергетиката и финансиите. Во петок објави дека ќе купи 59,97 отсто од уделот во чешкиот фудбалски клуб Славија.

Според соопштението на CEFC, преостанатиот удел од 39,98 отсто ќе го контролира компанијата Fly Sport Investments сопственост на чешкиот бизнисмен Јиржи Симане.

Вредноста на зделката не е објавена.