Линијата на супербрзио воз кој вози кон континенталниот дел на Кина е отворена денеска во Хонг Конг, со што патувањето што траеше еден час е скратено на 14 минути.
Изградбата на супербрзата линија траеше повеќе од 8 години и чинеше 10,7 милјарди долари.
Овој нов систем е направен така што на дневно ниво ќе може да превезува 80.100 патници од финансискиот центар на Азија кој брои 7 милиони луѓе, до средиштето на производството, провинцијата Гуангдонг.
Како што пренесува АП, трасата на возот од Хонг Конг (Вест Ковлун) до Футијан долга е 26 километри, и како што истакнуваат од корпорацијата МТР, возењето трае 14 минути.
Некогаш патувањето меѓу тие два градови траеше четири пати подолго.
За патувањето од Хонг Конг до Гуангжу Саут на возот во форма на куршум ќе му бидат потребни 47 минути (142 км), а до Шенџен Норт 19 минути.
Преку оваа линија патниците ќе бидат поврзани со 25.000 километри долгата кинеска мрежа на брза железница која сообраќа на 44 дестинации, меѓу кои и Шангај, Пекинг и западниот град Сијан.
