Кинеската Влада одговорна за „предвремената смрт“ на Лиу Сјаобо, според претседателот на Нобеловиот комитет
Кинеската Влада има „сериозна одговорност“ за „предвремената смрт“ на Лиу Сјаобо, изјави претседателот на норвешкиот Нобелов комитет, Берит Рајс Андерсен.
Кинескиот дисидент, кој страдаше од рак во последна фаза, почина денеска. Властите, кои го ослободија условно од затвор, за да биде сместен во болница, сепак не дозволија тој да биде префрлен на лекување во странство.
Кинескиот дисидент беше добитник на Нобеловата награда за мир во 2010 година поради децениската кампања за заштита на човековите права.
- Стравуваме дека Лиу Сјаобо не бил пренесен во болница, каде можел да добие адекватна медицинска грижа, пред болеста да стигне во крајната фаза, нагласи Рајс-Андерсен.
Германскиот министер за правда Хајко Маас го означи Сјаобо како „херој во борбата за демократијата и човековите права“.
Маас во изјава за Твитер му оддаде почит на кинескиот дисидент поради ненасилниот отпор.
Германија повеќе пати ја повика Кина да му дозволи на Сјаобо да се лекува на нејзина територија.
- Лиу Сјао беше и ќе остане инспирација, рече високиот комесар за човекови права на ОН, Зеид Раас ал Хусеин. Тој изрази длабока тага поради смртта на кинескиот активист.
- Движењето за човекови права во Кина и целиот свет загубија еден принципиелен активист, кој го посвети својот живот за заштита и подобрување на почитувањето на човековите права, мирно и достоинствено и кој беше фрлен во затвор поради отвореното изразување на своите ставови, рече Хусен.
Тој ги повика кинеските власти да и дозволат на сопругата на починатиот дисидент да замине во странство.
Кинескиот дисидент и добитник на Нобелова награда за мир Лиу Сјаобо денеска почина на 61 година, откако ја изгуби битката со канцерот,. Тој имаше рак на црниот дроб и пред еден месец беше префрлен од затвор во болница во градот Шенјанг.
Во соопштението од локалните власти се наведува дека Лиу починал откако му откажале повеќе органи.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228