Кина подготвена за контрамерки ако САД воведат дополнителни царини

Пекинг најави дека ќе одговори ако САД инсистираат на  дополнителни царини за кинескиот увоз, по ненадејната ескалација на трговската војна на претседателот Доналд Трамп.

– Ако САД ги воведат дополнителните царини, Кина ќе мора да преземе неопходни контрамерки, рече портпаролот на Министерството за надворешни работи Хуа Чунинг на редовниот брифинг во Пекинг.

Таа не образложи за какви мерки би биле преземени.

Кинескиот министер за надворешни работи Ванг Ји го направи денеска првиот официјален одговор на ескалацијата на мерките на Трамп.

„Наметнувањето нови царини не е апсолутно вистинското решение за трговските несогласувања“, изјави тој за локална кинеска телевизиска станица додека присуствуваше на состанокот на Асеан во Бангкок.