Кина: Околу 500 ученици заболеле, некои и со дијагноза рак

Кинеските власти го истражуваат случајот со околу 500 заболени ученици, вклучувајќи и некои со диајгноза рак во едно училиште изградено во близината на поранешна хемиска фабрика во источна Кина. 

Државната телевизија ЦЦТВ објави дека висока концентрација на некои отовни хемикалии може да се причина за лимфомите и леукемијата на овие ученици.

Министерството за образование формираше истражен тим, а локалните функционери на провинцијата Џијангсу изјавија дека ќе го преиспитаат овој случајт иако во почетокот негираа дека постојат какви било проблеми со квалитетот на земјиштето.

Кина има повеќе афери во областа на јавното здравје. Минатата недела стотина функционери се казнети поради продавање на неисправни вакцини за деца.