Киев: Путин сака војна
Украинското Министерство за надворешни работи, по повод обвиненијата од Русија дека Киев се обидел да изврши терористички напад на Крим, денеска оцени дека рускиот претседател Владимир Путин бара начин за ескалација на конфликтот со Украина.
„Путин сака повеќе војна. Русија бара ескалација, очајнички трага по провокација од Украина, ја тестира реакцијата на Западот“, напиша на Твитер портпаролот на украинското Министерство за надворешни работи Дмитро Кулеба.
Руската Федерална служба за безбедност соопшти денеска дека спречила терористички напад на Крим, организиран од разузнавачката агенција на украинското Министерство за одбрана, што Киев веднаш демантираше.
Како што јавија руските медиуми, ФСБ објави дека сето тоа се одиграло на 8 август и оти во инцидентот загинале еден припадник на таа служба и еден руски војник.
„Државјани на Украина и Русија, кои помагале во подготвувањето на овие терористички напади се уапсени. Тие во моментов даваат изјава во која тоа и го признаваат“, објави ТАСС.
Во Киев овие наводи ги демантираше портпаролот на украинската воено-разузнавачка служба.
Ново на Сител
-
За седум дена санкционирани 215 непрописно паркирани возила во општина Центар
-
Италија без Скалвини на ЕВРО2024
-
Казни за 99 возачи на територијата на Прилеп, 39 биле без возачка дозвола
-
Со МО до изборот на нов министер ќе раководи заменик министерот Јајага
-
СП: Декларација на ДУИ е дефокусирање на граѓаните и градење лажна надеж кај нивното членство
-
Српскиот претседател Александар Вучиќ прогласи победа на СНС на локалните избори
-
Сеул го суспендира воениот договор со Пјонгјанг поради провокациите со балони
-
Анкета во Грција: Нова демократија ќе биде убедлив победник на евроизборите в недела