Кичевец удрил во паркирано „пежо“ на автопат - три лица повредени

На 07.04.2023 во 16.50 часот во СВР тетово било пријавено дека на автопатот Скопје-Тетово, пред клучка Групчин, патничко возило „фолксваген туран“ со тетовски регистарски ознаки, управувано од Д.Д.(46) од с.Србица, кичевско, удрил во запрено патничко возило „пежо 208“ со скопски регистарски ознаки, во кое бил возачот З.Ф.(52) од Струга и сопатникот З.Ф.(24) од Скопје.

Во несреќата со тешки телесни повреди се здобил сопатникот во возилото „пежо“, З.Ф., додека двајцата возачи се здобиле со телесни повреди констатирани во Клиничка болница Тетово. Увид на местото извршиле екипа од СВР Тетово.