Казната за Ратко Младиќ ударна вест во светски медиуми
Ударна вест на светските и регионалните медиуми е доживотната затворска казна за командантот на силите на босанските Срби, генерал Ратко Младиќ.
Светските медиуми не покажаа интерес за изрекувањето на пресудата за Младиќ, но затоа главна вест беше пресудата - доживотен затвор за лидерот на босанските Срби.
„Младиќ е виновен за геноцидот во Босна“ е насловот на главната вест на сајтот на Би-Би-Си, а ударната вест на Си-Ен-Ен е „Ратко Младиќ виновен за геноцид, осуден за доживотна робија“.
И францускиот весник „Монд“ како и „Раша тудеј“ како вест на денот објавија за пресудата на Младиќ.
И светските новински агенции под ознаката итно објавија за пресудата за Младиќ.
Медиумите во регионот за разлика од светските медиуми со поголемо внимание го следеа судењето и изрекувањето на пресуда за Младиќ.
На сајтот на „Дневни аваз“ покрај главната вест дека Младиќ е осуден на доживотен затвор објавени се и наслови: „Насер Ориќ ексклузивно за Аваз: Судот го кажа своето, Младиќ мора да одговара и пред својот народ“, „Грабовица: Младиќ во судница покажа каква кукавица е“, „Мехмедовиќ: Младиќ ѕвер во човекова кожа, конечно дојде време да се престане со негирање на геноцидот“.
Порталот Кликс.ба објави десетина вести за Младиќ на својата насловна страница а меѓу најважните се: „Транспарент за Ратко Младиќ во Сараево: И без суд ние знаеме дека си виновен“, „Мунира Субашиќ: Жртвите никогаш неможат да бидат задоволени, ќе ја тужиме Србија и Република Српска“.
Радио Телевизија РС како ударна вест ја објави пресудата за Младиќ а лидерот Милорад Додик најави прес-конференција за попладне.
Судскиот совет на Хашкиот трибунал денеска го осуди Младиќ на казна доживотен затвор. Станува збор за првостепена пресуда, на која жалба ќе може да поднесат и Хашкото обвинителство и одбраната на Младиќ.
Тој е осуден за геноцид во Сребреница, прогон на муслимани и Хрвати ширум Босна и Херцеговина, тероризирање на жителите на Сараево и киднапирање на припадници на Мисијата на Обединети нации - Сини шлемови и низа други злосторства. Тој не е виновен за геноцид во седум општини во БиХ.
Со пресудата за Младиќ, Хашкиот трибунал завршува со работата.
Ново на Сител
-
Сиљановска-Давкова: Да го чуваме споменот за Св. Кирил и Методиј и да градиме општество на знаење и меѓусебно почитување
-
Најмногу дожд во изминатото деноноќие во Маврови Анови
-
Мицкоски: Кирил и Методиј ни го оставија најголемиот подарок - писмото, словото, гласот на нашиот идентитет
-
Украина: Извршен еден од најголемите руски воздушни напади врз Киев
-
Грчката економија закрепнува, но покачувањата на цените и понатаму се еден од најголемите проблеми
-
Македонија го чествува Денот на сесловенските просветители светите Кирил и Методиј
-
Во нападот со нож во Хамбург 17 повредени, од кои четворица се во животна опасност
-
Федерален судија ја суспендира одлуката на Трамп да му забрани на Харвард да прима странски студенти