Каталонски партии бараат парламентот в понеделник да расправа за независноста
Каталонските партии Сојуз „Заедно за ДА“ и радикалната левичарска партија ЦУП побараа денеска од парламентот да закаже в понеделник седница на која ќе се расправа, а можеби и прогласи независност на автономната област од Шпанија, пишува весникот „Вангуардиа“.
Лидерот Карлес Пучдемон изјави синоќа дека Каталонија ќе прогласи независност во следните неколку денови, а владата ќе „дејствува на крајот од оваа или почетокот на следната недела“.
Исто така, тој додаде дека засега нема контакти меѓу неговата администрација и централната влада во Мадрид.
Каталонскиот лидер вечерва во 21 часот ќе и се обрати на јавноста, истакна претставник на регионалната влада.
За тоа кога ќе се одржи седницата на парламентот за резултатите од референдумот за независност на Каталонија ќе се одлучува денеска на состанок на претседателството на парламентот. На таа седница би можело да се прогласи и независност.
Имајќи предвид дека референдумот според шпанските закони е „неуставен“, прогласувањето независност нема да има никакви правни последици и е малку веројатно дека ќе биде признат во меѓународни рамки.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола