Кастратовиќ: Важно беше на крајот и со која разлика ќе победиме

На прес конференцијата тренерот на ЖРК Вардар Индира Кастартовиќ на прашањето за падот во играта истакна:

- Девојките некако прерано почнаа да се радуваат на победата, а јасно е дека во ист ритам не може да се игра 60 минути. Откако ќе ја предгледаме снимката ќе се обидеме тие грешки да ги отстраниме. Кога се игра добро во одбраната и во нападот полесно се постигнуваат голови.Добро што ракометарките после се вратија бидејќи важно беше и со која разлика ќе се совлада ривалот.

Ања Алтхаус за дуелот истакна:

- Среќна сум и горда заради победата. Игравме со силен тим, а ние покажавме дека имаме квалитет. Благодарност и до навивачите.

Тренерката на Митјиланд Хеле Томсен рече:

- Тука се беше добро за нас освен резултатот. Игравме против добар тим, инаку ова беше тежок натпревар.

Во следното коло во недела на 8.ноември Митјиланд е домаќин на Вардар во рамките на 4.коло.