Карапетјан предложи предвремени парламентарни избори во Ерменија
Вршителот на должност премиер на Ерменија, Карен Карапетјан предложи да бидат распишани предвремени парламентарни избори, со цел да се стави крај на политичката криза.
Според Карапетјан, можно е на изборите да победи лидерот на опозицијата Никол Пашинијан.
- Сегашната ситуација е непотребна. Пашинијан рече дека привремениот премиер треба да стане кандидат од народот, односно тој. Јас го замолив претседателот на земјата да се консултира со политичките сили и да закаже нови парламентарни избори, и ако граѓаните на Ерменија сакаат да го изберат Пашинијан, тогаш тој ќе стане премиер на земјата, посочи Карапетјан.
Серж Саргасјан, кој беше 10 години претседател на Ерменија, поднесе оставка како премиер во понеделникот по речиси две неделни протести на опозицијата, која го обвини за манипулирање со Уставот за да остане на власт.
Лидерот на ерменската опозиција Никол Пашинјан (42) изрази подготвеност да ја води државата, ден по оставката на премиерот Серж Саргасјан.
- Да, ние сме подготвени да ја водиме земјата. Ако народот ми довери одговорност, подготвен сум, изјави Пашинјан.
Саргасјан, кој беше претседател на Ерменија од 2008 година до март оваа година, по истекувањето на претседателскиот мандат, неодамна беше именуван за премиер по новиот парламентарен систем, според кој, претседателските овластувања се ослабуваат во корист на владата, односно премиерот.
Опозицијата тоа го сметаше како потег кој ќе му овозможи на поранешниот претседател да остане неограничено на власт.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар