Канческа-Милевска со децата од Домот „11 Октомври“ во Археолошкиот музеј
Министерката за култура Елизабета Канческа-Милевска денеска во рамки на манифестацијата „Денови на археологијата“ заедно со децата од домот за деца без родители „11 Октомври“ ја посетија постојаната музејска поставка на Археолошкиот музеј на Македонија, кој изминатата недела, преку различни активности ја одбележа годишнината од вселувањето во својот нов дом.
За време на посетата, како што соопшти Министерството за култура, децата ја разгледале цпоставката, каде преку предметите направени од луѓето во минатото, а откриени и откопани од археолозите, имале можност да се запознаат со сите артефакти од богатото културно наследство пронајдено за време на археолошките истражувања на локалитетите ширум нашата земја.
Министерката за култура, заедно со директорката на оваа национална установа, Весела Честоева, на децата им подарила и примерок од брошурата „Запознавање со минатото“, која, како што рече, ќе им овозможи на еден интересен и необичен начин да добијат повеќе знаења од областа на археологијата.
Археолошкиот музеј од неговото отворање го посетиле повеќе од 35 илјади посетители од земјава и од светот од кои над 10 илјади ученици со што музејот стана важен сегмент од едукативната програма наменета за учениците од основните и средни училишта во Република Македонија.
По повод одбележувањето на првата годишнина од отворањето на Археолошкиот музеј на Македонија од 18 до 22 октомври во оваа институција се одржа манифестацијата „Недела на археологијата“, во чии рамки беше отворена изложбата „10 столбови на Археолошкиот музеј“, а се одржаа и низа на презентации и предавања.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава