Канческа-Милевска се сретна со турскиот пејач и текстописец Фетах Џан
Министерката за култура Елизабета Канческа-Милевска денеска имаше работна средба со познатиот турски пејач и текстописец Фетах Џан, кој годинава е гостин на шестата Школа за млади лидери во Охрид што се одржува под покровителство на претседателот на Македонија Ѓорге Иванов.
- Македонија и Турција имаат одлични односи во областа на културата, кои се одликуваат со реализација на бројни проекти и размена на уметници меѓу двете држави, се вели во соопштението од Министерството за култура.
На средбата, како што се наведува, двајцата соговорници дискутираа и за можностите за остварување на соработка меѓу македонските уметници и овој врвен турски композитор кој во моментов е еден од најангажираните во Република Турција, како и реализација на проекти преку кои ќе се афирмираат македонската и турската музика.
Фетах Џан, кој е популарен пејач и композитор, својот прв музички албум го издал во 2010 година, во соработка со Министерството за култура на Република Турција. Во изминатите години, Џан кој има македонско потекло, остварил соработка со најреномираните музички изведувачи во Република Турција и пошироко, а песните кои ги изведува и ги создава за други уметници мошне високо котираат на музичките листи.
Ново на Сител
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024
-
Шарпланинецот Љубо од одгледувачницата на прилепското семејство Каравилоски стана светски шампион