Канада воведе дополнителни санкции за Владата на Мадуро

Канада денеска воведе дополнителни санкции за Владата на венецуелскиот претседател Николас Мадуро, со што се опфатени 43 високи претставници.

Шефицата на канадската дипломатија Кристи Фриленд изјави дека меѓу 43 венецуелски високи претставници има и регионални гувернери, кои се вмешани во поткопување на демократските институции.

Канада веќе има воведено санкции за 70 граѓани во Венецуела поврзани со Владата на Мадуро.

Канада, САД и уште 50 држави го поддржуваат опозицискиот лидер Хуан Гуаидо, кој бара оставка од Мадуро и нови избори.