Камерон: Велика Британија треба да остане колку што може поблиска со ЕУ
Британскиот премиер во заминување Дејвид Камерон изјави денеска во своето последно обраќање пред парламентот дека Велика Британија по Брегзитот „треба да се обиде да остане колку што може поблиска со ЕУ“.
Пред напуштањето на досегашната функција тој и порача на неговата наследничка Тереза Меј дека би требало да ја позиционира Велика Британија колку што може поблиску до Унијата, бидејќи британската трговија, безбедност и соработка ќе имаат најголема корист од блиските односи со Унијата, јави Танјуг.
На крајот британскиот премиер истакна дека Владата на Велика Британија напорно работи на тоа да им обезбеди на граѓаните на ЕУ да можат да останат во земјата по референдумот, но додаде дека тоа ќе зависи од реципрочните права на Британците во Европа.
Камерон денеска попладне ќе ја напушти функцијата премиер на Велика Британија.
Одлуката за неговата оставка беше донесена откако жителите на Велика Британија не ја поддржаа желбата на Камерон за останок во ЕУ и на референдумот на 23 јуни изгласаа Брегзит.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата